The Poetical Works of Robert Burns/My Hoggie - текст песни

Легальный текст песни из public domain источника. Страница добавлена без парсинга конкурентов и с указанием источника.

MY HOGGIE.
TUNE—'WHAT WILL I DO GIN MY HOGGIE DIE.'
What
will I do gin my Hoggie die?
My joy, my pride, my Hoggie!
My only beast, I had nae mae,
And vow but I was vogie!
The lee-lang night we watch'd the fauld,
Me and my faithfu' doggie;
We heard nought but the roaring linn,
Amang the braes sae scroggie;
But the howlet cry'd frae the castle wa',
The bitter frae the boggie,
The tod reply'd upon the hill,
I trembled for my Hoggie.
When day did daw, and cocks did craw,
The morning it was foggie;
An' unco tyke lap o'er the dyke,
And maist has kill'd my Hoggie.