The Poetical Works of Robert Burns/The weary Pund o' Tow - текст песни

Легальный текст песни из public domain источника. Страница добавлена без парсинга конкурентов и с указанием источника.

THE WEARY PUND O' TOW.
TUNE—'THE WEARY PUND O' TOW.'
The
weary pund, the weary pund,
The weary pund o' tow;
I think my wife will end her life
Before she spin her tow.
I bought my wife a stane o' lint
As gude as e'er did grow;
And a' that she has made o' that,
Is ae poor pund o' tow.
There sat a bottle in a bole,
Beyond the ingle low,
And ay she took the tither souk
To drouk the stowrie tow.
Quoth I, For shame, ye dirty dame,
Gae spin your tap o' tow!
She took the rock, and wi' a knock
She brake it o'er my pow.
At last her feet—I sang to see't—
Gaed foremost o'er the knowe;
And or I wad anither jad,
I'll wallop in a tow.
The weary pund, the weary pund,
The weary pund o' tow;
I think my wife will end her life
Before she spin her tow.